Sap. ak. 8-mi ukiumoortumik Kalaallit Nunaanni atorfiit qaffakkiartorfissat pillugit nittarsaassineq Danmarkimi ingerlanneqarpoq. Tassunga atatillugu sulisutsialatta ilaanni pingasut, Claudia (naatsorsuuserinermi nakkutilliisoq), Palu (ingerlatsinermut siunnersorti), aamma Daniel (Sulisoqarnermut ineriartortitsineq pillugu siunnersorti) Danmarkiliarlutik Nukissiorfiit pingaarutilittut pissanganartutullu suliarisartagai pillugit oqaluttuariartorput.
”Aarhusimi aamma Københavnimi ilinniartut soqutiginnittorpassuit ornippaatigut, taakkulu tamatta immikkut sammisatut suliassaqarfigisatsigut Nukissiorfiit sunik suliaqartuunera nassuiaavigisinnaavavut. Ingammik maskinmesterit sammisaraagut, tassanilu teknikkimut tunngasorpassuit Palup erniinnaq oqaluttuaralugillu peqataaffigai. Pigisanik agguaassassanik visitkortinillu pimoorussilluta agguaassivugut, apeqqutitsialannillu (aamma qinnuteqaatinik) amerlasuunik nassiussaqartoqassasoq neriuutigaarput”, Danmarkiliarneq pillugu Daniel oqaluttuarpoq.
Claudialu isumaqataavoq: ”Angalanitsialaviuvoq, Nukissiorfiit ilisarnaataa nittarsaalluavissorlutigu. Ilinniartorpassuit suliffissarsiortut oqaloqatigaagut, Nukissiorfiit iluani sunik suliaqarnitsinnik oqaluttuullutigit. Aamma atorfiit qaffakkiartorfissat pillugit nittarsaassinermi meeqqat ilaasa Nukissiorfiit iluani suliaqarnissamik takorluugaqarnerat nuannerpoq tusartarlugu, taakkumi ilatuqaasa ilaat uagutsinni suliffeqarmata”.
Nukissiorfiit sunik suliaqarneranik sulisorisatta aallarlutik periarfissaqarlutillu oqaluttuussisarnerat tamatigut nuannertuuvoq, taamaattumillu Nukissiorfiit aamma peqataaffigisaanut ukiormanna ukiamut ilinniagaqarnermut karavane qilanaarilereerparput.
