Nukissiorfiit iluani, Kalaallit Nunaata nukissiornermik pilersuisarfiani suliffimmi sungiusarneq

Kalaallit Nunaanni nukissamik pilersuinermut akisussaaffeqartumi Kalaallit Nunaanni suliffeqarfiit annerpaat ilaanni suliffimmi sungiusarneq qanoq ippa? Tamanna kujataaniittumi nunap immikkoortuani Kujallermi Qaqortumi piffissami juulimit oktobarimut Nukissiorfiit iluani maskinmesteritut suliffimmi sungiusarsimasup Emil Helding Pedersenip akissuteqarfigisinnaavaa. Svendborgimi SIMAC-imi maskinmesteritut ilinniarfimmi ilinniartitsisuni aqqutigalugu suliffimmi sungiusarnissamut periarfissaq pillugu siullermeertumik tusagaqarpoq, tamatumalu kingornatigut Kalaallit Nunaaliarnissamik misiliinissaq pillugu isumassarsiaq pinngorpoq.

Qaqortumi sap. akunnerini aqqaneq-marlunni suliffimmi sungiusarnermik ingerlataq Emilimut misigisassarpassuarnik pissanganavissortunik tunniussaqarsimavoq, aammalu innaallagissamik, imermik aamma kiassarnermik pilersuinermik suliaqarnerup suuneranik paasisaqarluartissimavaa, taamaalisukkullu Kujataani inuunerup qanoq ittuuneranik Emili qilanaartuummik pissarsivoq.

Suliassat assigiinngiiaartut, ataatsimoorfik, aamma pinngortitami misigisat angisuut

”Ingammik suliassaqarfiit assigiinngitsut iluini allanik misileraasarfiusunik suliassat siamasissut, aammalu suliffeqarfimmi ataatsimoorfitsialak initusimapput,” Emil oqaluttuarpoq.

Suliassat assigiinngiiaartorpassuit aamma pinngortitaliarnissamut Emilimut periarfissiisimapput, aammalu ”pinngortitami suliffeqarneq – tamanna tunniussaqartuulluarpoq,” ilavaa.

Suliffimmi sungiusarneq tassaavoq ilinniakkamik naammassisaqarsimanermi periarfissanik sunik peqarnissamut misileraanissamut iluseq pitsaalluinnartoq, aammalu Nukissiorfiit iluani sap. akunnerit aqqaneq-marluk misigisatut pitsaalluinnaqqissaartutut nassuiarpai, tamaaniippummi suleqatigiinni ataqatigiiffeqarneq angisooq, aammalu sutigut tamatigut ilanngussuisutut kultureqarneq.

Emili bachelorinngornissamut suliffimmi sungiusarsimavoq, maannalu bachelorinngornissamut suliniutini allanniarlugu Danmarkimi ilinniarfigisaminiippoq. 2025-mi januaarimi ilinniakkani naammassissavaa, ukiumilu nutaami aallartiffeqartumik Kujallermi innaallagissap aqquteqarfiinut nunap immikkoortuani ataqatigiissaarisutut Nukissiorfiit iluani atorfimmik qinnuteqarnissani toqqarsimavaa.

Siunissami ilinniareernerup kingornatigut atorfinni periarfissanut isumassarsisitsisinnaasumik, aammalu toqqammavissamik pilersitsisussamik suliffimmi sungiusarnissamut periarfissami neqerooruteqarsinnaanerput Nukissiorfiit iluani nuannaarutigaarput.

Suliffimmi sungiusarnermik ingerlataq illit nuannerunartissinnaaviuk?

Emilitulli illit Nukissiorfiit iluani atorfeqarluni sunik suliaqartarnermik alapernaassaguit, ajornanngippallu inuiaqatigiinni suliassamik pingaarutilimmik, tassalu ulluni tamani nunami innuttaasut innaallagissamik, imermik aamma kiassarnermik pilersugarinerinik isumaginnittarfitsinnik kivitsinissamut ilalersuuteqarusullutit taava allaffigitigut, aammalu Nukissiorfiit iluani uagutsinni suliffimmi sungiusarfissamut periarfissatit pillugit annermik tusagaqarniarit.

Attaveqarnissamut paasissutissat

Maili: hr@nukissiorfiit.gl

Lignende artikler

Ilulissani erngup nukinganik innaallagissiornerup minguissutsit qaffasinnerpaat nutaat anguai

14. februaari 2024

Ilisimaviuk? - Nukissiorfimmut atuisunngunngikkuit kingunerisinnaasai

13. novembari 2024

PBS aqqutigalugu akiliisartunut atuisartutsinnut ilisimatitsissut

30. aggusti 2024

Ilulissani Imertartarfik 3, B611 maanna atoqqinnissaanut piareerpoq

26. novembari 2024

Erngup Ullua: Nukissiorfiit imermik pilersuisarneranik paasisaqarluarnerugit

20. marsi 2024

Nuummi ippassaq qamittoornermut patsisaasoq Nukissiorfiit maanna paasivaa

29. decembari 2024

Nutaarsiassaq Nukissiorfimmiit – Atuisut sullissiviat

25. apriili 2024

Sisimiuni tikeraarneq pissanganartoq

26. aggusti 2024

Kalaallit Nunaata nukissamik pilersuisoqarfia qaammaasaqarfiginerujuk

28. oktobari 2024

Ammassivik oqqummukaalersoq

8. maaji 2024

Issittumi inuiaqatigiinni nukissatigut isumalluutit pillugit ataatsimoorfigisamik sammisaqarneq

13. novembari 2024

2024-mi Kalaallit Nunaanni atorfiit qaffakkiartorfissat pillugit nittarsaassinermi Nukissiorfiit iluatsittumik peqataasoq

5. marsi 2024

Nunavumit tikeraarneqarnerit pissarsinartut

10. septembari 2024

Imerput assissaqanngilaq, paarinissaanut ikiortigut

19. marsi 2024

Unnummut kulturisiorfimmut pikkunavissumut qujanaq!

24. januaari 2024