Ajutoortoqartillugu

Ajutoortoqarnermi!

Erngup aqqutaanut ikkuffiit qerisimappat, nammineq aassernissaanut misiliillutit iliuuseqarsinnaavutit:

1. Innaallagissamut-qerinaveersaatinut atortulersuutit sumiinnersoq paasiniaruk; assersuutigalugu illup naqquaniissinnaavoq, kiassaateqarfimmi imaluunniit assigisaani.
2. Atortulersuut ikumanersoq ikittarfialu ”On”-imiinnersoq isumannaassavat.
3. Atortulersuut ikumappat, kiassaataa sakkortusissinnaavat, innaallagissamut-qerinaveersaatinut kabilit kissanneruniassammata.
4. Aamma atortulersuummi malugisaatit ajoquteqarpata, atortulersuut kissarnerutilerumallugu ”konstant”-imut imaluunniit ”max”-imut inississinnaavat.

Kiassarnermut kabilit ajoquteqanngippata, imermut ikkuffik kigaatsumik aakkiartulissaaq.

Piffissap ingerlanerani illumi annikitsumik imeqalaalersimappat, imeq kuulluarsinnaanngortikkumallugu, sermerlu aqqutiniittoq aatsikkumallugu, erngup kuutsiinnarnissaa pitsaanerussaaq.

Aassereerukku imeq kuuffimmiit aniasoq kissappat, kiassaat inissisimaffikuanut sakkukilliseqqissinnaavat.

Innaallagissamik qamittoorneq peqqutaalluni ajoqusertunut taarsiissut

Qamittoornerit assinganilluunniit innaallagissiorfimmi kukkunerit ajoraluartumik avaqquneqarsinnaasanngillat. Ajutoortoqartillugu atortut innaallagiatortut imaluunniit nillataartitsiviit qerititsiviillu ajoquserneqarsinnaapput.

Nukissiorfiit ilaatigut innaallagissamik qamittoornermut atatillugu ajoqusiinernut taarsiissutit pillugit saaffiginnissutinik tigusaqartarpoq. Taamaattoqartillugu illit namminerlu sillimmasiisarfivit akornanni suliarineqartussaavoq. Kisimi immikkuullarissumik pisoqarsimatillugu Nukissiorfiit inatsisitigut aningaasatigullu ajoqusertumut akisussaasutut inissinneqarsinnaavoq.

Sillimmateqarpiit

1. Siullermik sillimmasiisarfigisannut ajoqusertoq nalunaarutigiuk. Pigisanik sillimmasiineq (assersuutigalugu najukkami aamma/imaluunniit illumut sillimmasertinneq akisussaaffimmut sillimmasertinnermiit siulliunneqarujuppoq.
2. Sillimmaasiisarfivit suliaq nalilersussavaa. Sillimmativit matussusissappagu, sillimmasiisarfiup taarsiissuteqarfigissavaatit. Sillimmasiisarfiit isumaqarpat, akisussaaffik Nukissiorfimmut inissinneqarsinnaasoq, piumasaqaat kingorna uatsinnut inissinneqassaaq. Matuma kingorna nammineq sillimmasiisarfitsinnut ajoquserneq nalunaarutigissavarput. Nukissiorfiit Nammisorlutik Oqartussat sillimmasiisarfiullu aaqqiissutaa aqqutigalugu sillimmateqarpoq.
3. Sillimmasiisarfiit akisussaaffik inississavaat. Nukissiorfiit akisussaasutut nalilerneqarpat ajoquserneq matussusissavarput sillimmasiisarfik isumaqatigiissuteqarfigalugu.

Sillimmateqanngikkuit

Pigisanut imaluunniit illumut sillimmassineq aqqutigalugu matussusiisinnaanngikkuit, piumasaqaatitit uatsinnut toqqaannartumik nassiussinnaavatit. Pisariaqartippagut:

• Ateq aamma najugaq
• Sillimmateqarnerit pillugu paasissutissat
• Ajoquserneq nassuiarlugu (ulloq, sumiiffik aamma pisup ingerlanera)
• Ajoquserneqartut assilianngorlugit uppernarsarneqarneri kiisalu suussusaa, pisoqaassusaa, pisiarinerani akia aamma nutaatut akia/nalinga pillugit paasissutissat. Takussutissat attuumassuteqartut pigineqarpata kakkiunneqassapput, soorlu pisinermut allagartat aamma akiligassat.

Piumasaqaat nukissiorfiit@nukissiorfiit.gl-imut nassiuguk. Suliaq matuma kingorna Nukissiorfimmiit taarsiiffigineqartussatut akisussaasuussanersoq pillugu sillimmasiisarfigisatsinniit nalilersorneqarluni suliarineqassaaq.

Suliamik suliarinninnerup sivisussusaa

Suliamik suliaqarneq ajosernerup annertussusaa aamma ajornassusaa apeqqutaalluni sivisussuseqartarpoq. Aalajangiisoqarpat erngertumik nalunaarfigineqassaatit.

Ima ajoqusiinissaq pinaveersartissinnaavat

Atortorissaarutit amerlanerit qaminngagaluarlutik ’standby’-imiitinneqartarput. Taamaaliornermi innaallagiamik atuineq annertunerusarpoq ajoqusiinissarlu qaninnerulersarluni. Taamaattumik atortorissaarutit malussajasut qamivittakkit, imaluunniit innaallagissamik atuivallaalernissamut illersuut atorlugu, taamaasillutit atortorissaarutitit isumannaannerussammata.