Anorersuaq Nuummi qamittoortitsivoq

Apriilip aallaqqaataani 2021 nal. 17:30 missaani Nuummi innaallagiamik pilersuineq kipivoq. Qamittoorneq innaallagissap aqqutaani attuuttoornikkut sarfaaruttoornermik patsiseqarpoq. Ledningersuit Utoqqarmiut Kangerluarsunnguanni erngup nukinganik inaallagissiorfimmut attaviit anorersuarnerani attuuttoornerisigut sarfaarunneq patsiseqassangatinneqarpoq.

Innaallagissamik pilersuinerup kipinerata imermik kiassarnermillu pilersuinermi pumpit aamma ingerlasinnaajunnaarnerat nassataraa. Taamaammat qamittoornerup nassatarisaanik Nuummi innaallagissamik, imermik kiassarnermillu pilersuinerup tamarmi uninnera nassataraa.

Nukissiorfiit teknikeriisa siullermik ajornartorsiutip sumiiffissiniarnera, kingornalu taassuma aaqqinniarnera ilungersorlutik sulissutigaat. Ajornartorsiut sumiiffissineqarmat, ajoqut aaqqinneqarpoq, Nuummilu atuisut kittaartumik innaallagiamik pilersorneqaqqilerput. Atuisut siulliit nal. 20:20 nalinginnaasumik pilersorneqaqqilerput, atuisullu amerlanerit unnuap qeqqata missaani aamma nalinginnaasumik pilersorneqaqqilerput. Atuisut kingulliit nal. 05:20 missaani pilersorneqaqqilerput. Attuuttoorneq arlalinnik malitseqaataasunik sunniuteqarpoq, tamatumalu pilersuinermut ikkusseqqinnerit assaat atorlugit pinissaa pisariaqalersippaa, tamatumalu ikkussinerit piffissamik atuinartuutippaa.

Pilersuineq aallarteqqimmat tamanna ilaatigut Utoqqarmiut Kangerluarsunnguanni erngup nukinganik innaallagissiorfimmit ilaatigullu Nuummi sillimmatitut innaallagissiorfimmit pilersuinerit ingerlanneqarput. Nukissiorfiit maanna ajutoornermut patsiserpiaasoq misissuleruttorpaat.

Nukissiorfiit nukissiuuteqarnermut pisortaat Kaspar Mondrup ima oqarpoq:

Qamittoornerup taamak annertutiginera soorunami uggoraarput, tamatumalu poorskimi sulinngiffeqarnermi unnukkorsiornerup nalaani pinerata atuisutsinnut pakatsinartuunera paasilluarsinnaavara. Anorersuartulli sakkortutigisumik anorlerlunilu nittaalarnera atortuutitsinnut unammillernartuusinnaapput. Maanna suup patsisaarpiarnera misissorparput, paasigutsigulu tamatuma peqqinnginnissaa anguniarlugu suut iliuuserisinnaassallutigit isummerfigissavarput.

Paasisaqarnerujumallutik uunga attaveqarit:

Nukissiorfiit@nukissiorfiit.gl