Nukissiorfiit paasisitsiniaaneq saqqummiuppaat

Nukissiorfiit paasisitsiniaaneq ”Nukik uagut nammineq pigaarput” saqqummiuteqammerpaat. Paasisitsiniaanermi Nukissiorfiit ilinniarfittut suliffittullu malugitinniarneqassaaq ilaatigullu Nukissiofiit nunatta nikissiuutinik imminut pilersorsinnaanerani periarfissarpassuit oqaluttuarineqassallutik.

Nukissiorfiit pisortaat Energidirektør Kaspar Mondrup oqarpoq:                  

-Nukissiorfiit suliffitsialassuuvoq, tamannna avatangiisitsinnnut oqaluttuarerusupparput. Paasisitsiniaanitsigut Nukissiorfiit inuiqatigiinnut sulisunullu ataasiakkaanut ineriartortitsinissamut periarfissarititai sammineqartilernissaat kissaatigaarput. Nukissiorfinni politikkikkut sammisarput pingaarneq tassaavoq nukissiiutinut avatangiisinut ajoqutaanngitsunut nuukkiartorpugut nunatsinnilu uuliamik eqqussorneqartumik isumalluuteqarnerput annikinnerulersikkiartuaarlugu.

Nukissiorfiit nunatsinni tamani suliassat suliarisarpagut, akuttunngitsumillu ajornakusoortunik atugassaqarlutik taamaaliortarlutik. Taamaammat sulisut assigiinngitsorpassuarnik piginnaasaqarnissat siuttuujuaannarnissamullu piareersimasut pisariaqarput, Kaspar Mondrup oqarpoq nangillunilu:

-30-nik issittumi pilersuinissaq imaluunniit erngup nukinganik nukissiuutitta angisuut ingerlannissaat imaluunniit sulisut immikkut piginnaasallit nukissiuutinik pilersuinissamut nukissallit pineqarpata. Sulisut iluminnit pisumik nukissallit. Amerlareeqaagut, sulili amerlanerorussuppugut.

Paasisitsiniaanitsinnili piffissamut sivusuummut uku angorusuppagut:

-Kinguaariit aggersut ilinniagaqarnissamut, ilisimasaqalernissamik, pikkorissarnissamut aamma inuiaqatigiit Nukissiorfiillu ineriartortinneqarnissaannik isummersiuerusuppagut. Suliaqarfinni assigiinngitsorpassuarni sulisutta ineriartornissaannutt aamma ilinniartoqarnissamut ilinniarnermilu sulinermik misiliiffiunissamut annertuumik akisussaaffeqarpugut.

Ineriartornerput periarfissallu inuiaqatigiinni tamani iluaqutaasumik atorlutigit takutikkusupparput. naggataatigut pineqartoq tassaavoq nammineq nukissiuutugyt atorigut pitsaanerpaamillu atussagigut.

Paasisitsiniaaneq nukissiuutit assigiinngitsut takutillugit filmimik naatsumik aallartinneqarpoq. Nunatsinni sumiiffinni assigiinngitsuni arlalinni filmiliarineqarpoq aammalu nunatsinni filmiliorfiup Polarama Greenland aamma suliffeqarfik takoqqussaarusiortartoq MENSCH suleqatigalugu suliarineqarluni. Polarama Greenlandip suliniummi filmiliortortartut pikkorinnerit atorpai. MENSCH Savalimmiuni iluatsilluartumik paasisitsiaanernik nutaaliorfiusunik ingerlatsisarnikuuvoq.

Nukissiorfiit imermik namminerlu nukissiuutitsinnik nunatsinni inoqarfinnut tamanut qanoq pilersuisarnerat takutillugu Nukissiorfiit aamma Visit Greenlandip nutaaliorlutik suleqatigiinnertik aasap ingerlanerani kingusinnerusukkut aamma saqqummiutissavaat.

Filmi uani takuuk: https://nukissiorfiit.gl/kl/Nutaarsiassat/2021/Nukik-uagut-nammineq-pigaarput

Annertunerusunik paasisaqarusukkuit Nukissiorfiit pisortaat Kaspar Mondrup attaveqarfigiuk.