Nukissiorfiup ajoqut tramsmissioneqarfiup attaveqaataani sumiinnersoq nassaarivaat.

Nukissiorfiup transmissioneqarfiata attaveqaataaniit, Nuummi Utoqqarmiut Kangerluarsunnguani erngup pilersuivianut, ajoqut suatungaaniinnersoq nassaarivaat. Ullumiimmat qulimiguulik atorlugu misissuineq aallartitsinnagu aqqutaata målernerani,  missingersorlugu ajoqut nunatap suatungaaniinnersoq inissikannerpaat. Sumiissusersinerani paasivarput  kanassuup ameraliullu avannaap tungaani kordelli, kabelit pingajuat, kittorarsimasoq. Assimi takuneqarsinnaavoq kabeli arlalinngorluni sequtsersimasoq. Sequtserujoornermini qamittoornissaq qanittuaranngorsimavoq, kabelit anorimik ajanneqarlutik imminnut attuunneranni qamittoorneq pisarsimammat. Tassa taannarpiaq  arlaleriarluni  imermik pilersuivitsinneersumik qamittoortitseqattaarsimasoq. Aqagu Nukissiorfiit  qulimiguulik atorlugu misissueqqissapput inisseqqissaarniarlugu qanoq sukkatigisumik ajoqut aaqqinneqarsinnaanersoq. Ajoqut aaqqiissuteqarfiginissaata tungaanut illoqarfik Nordhavnimiit sarfamik pilersorneqassaaq.Nordhavnimiit pilersuineq artorsannginnissaa anguniarlugu, atuisut tamaasa innersuuteqqikkusuppagut pisariaqavinngitsunut kallerup innera atornaveernissaa. Nukissiorfiup sillimaniarnermik sulissutiginninneq ukua suleqatigalugit ingerlatiinnassavaaat, Politiit, Tusass allallu suliffeqarfiit upalungaarsimanermik suliaqartut, nukissiorfiup isumannaatsumik pilersuileqqinnissaata tungaanut.