Mailit ilumuunngitsut sianigikkit

Ajoraluartumik mailit ilumuunngitsut, aamma phishing-mailsitut taaneqartartut misiliutigisarneri akuttunngitsumik misigineqartarpoq. Taamaattumik ingammik akiligassanut tunngasunut (fakturanut) mailit atuisartutta immikkut eqeersimaarfiginissaat kaammattuutigaarput.

Phishing-maili tassaavoq maili ilumuunngitsoq, taannalu ulorianarsinnaavoq illit uukapaasiaralutit ilinnik ajoqusiisinnaasunik paasissutissanik mianersuutassanik saqqummiussaqartinniarlutit, imaluunniit iliuutsinik suliaqartinniarlutit anguniagaqarmat. Anguniagaq tassaasinnaavoq kinaassusernik tillinniarneq, aningaasaqarnermi annaasaqartitsineq, imaluunniit paasissutissanik illit pinnik tillinniarneq.

Allap qarasaasiaanut pulasartut (hackerit) akornanni ileqqulersuut nutaaq takuneqarpoq, tamatumani mailinik akiligassanik (fakturanik) ilumuunngitsunik nassiussisarlutik, aamma assersuutigalugu Nukissiorfittut ittumik pilersuisartutut suliffiunerartarlutik.

Maannakkut aamma Google Translate aqqutigalugu kalaallit oqaasiinut nutserisoqarsinnaalerpoq, tamatumalu mailip ilumoortuunera imaluunniit ilumoortuunnginnera pillugu naliliiniarnissaq suli ajornarnerulersippaa.

Aajuku suut sianiginissaanut siunnersuutitsialaat:

  • Nassiussaqartup e-mailadressia eqqortuua?Atuisartutsinnut kiffartuussisarfitsinnit mailit uanngaanniit pinerusarput: kundeservice@nukissiorfiit.gl – qularutissaqaruit tamatigut atuisartutsinnut kiffartuussisarfik attavigisinnaavat, oqarasuaatip normua una aqqutigalugu: 80 11 50
  • Ilisarnaataasoq (logo) nassiussaqartup pigisaata assigaa?
  • Mailip oqaasertalersornerani arlaat taamaassanngitsutut isikkoqarpa?
  • Nassiussisup ilinnut iliuuseqarfigeqqusaanik linkinik allanilluunniit pasinartoqarpa?

Lignende artikler

EU-mi kommissæri Dan Jørgensen Nukissiorfinnut alakkaavoq

26. September 2025

Qaqortup mittarfittaassaanut innaallagiaq qorsuk

24. September 2025

Asasagut Nukissalimmi atuisut

17. September 2025

Narsami imermik qalatitsisarnerup atorunnaarsinneqarnera

9. September 2025

Ilisimaviuk? – Nukissiorfiit e-Boksip atulernissaanut piareersarpoq

8. September 2025

Narsami imermik imigassamik qalaasseqqusineq

2. September 2025

Tiniteqilaami imermik qalatitsinermik innersuut

27. August 2025

Asasangut Nukissalimmi atuisut

25. August 2025

Nuummi peqatigiilluni ungasianit kiassaanerup atulernera

18. August 2025

Akunnaami imermik qalatitsinermik innersuut

11. August 2025

Eqalugalinnguit eqqaanni lyskrydsi nutaaq

6. August 2025

Kangaatsiami qalatsitsinissamut innersuut

28. July 2025

Upernaviup avaannani nunqarfimmi Nuussuarmi uuliakoortoqartoq

18. July 2025

Nalunaarut biilinut innaallagiatortunut imaluunniit hybrid-inut piginnittunut Nuummi

4. July 2025

Ulloq 1. juli 2025 atuutilersussanik kiassarnermut akigititanik naligiissaarinikkut aaqqiisoqassaaq

20. June 2025
1 2 3 8