Ilisimavarput Nuummi qullersuit arlallit ajoquteqartut, ajoqutillillu Nukissiorfiit iluarsaannissaanut ataavartumik suliaqarput.
Nukissiorfiit aqqusernit qullilersornerinut Namminersorlutik Oqartussat, kommunillu sinnerlugit akisussaasuuvoq. Qullersuit suliassatta pingaarnerit saniatigut akisussaaffigaagut, suliassagut pingaarnerit tassaapput; innaallagissamik, imermik kiassarnermillu pilersuineq. Ajoraluartumillu Nuummi qullersuit biilertuniit aporneqarlutillu ajoquteqartut amerlapput, piffissamullu naatsorsuutigut eqqarsaatigalugit ajoquserneqarsimasut iluarsaannissaannut tulleriiaarisariaqalersimavugut.
Qullersuarnik iluarsaassineq utaqqinarsinnaavoq, utaqqinarsinnaaneranut pissutaavoq qullersuit iluarsartuutassat nakkutiginissaanut utaqqisinnaasariaqartaratsigit suliassanik pingaarnersiuneq pitsaasumik ingerlanneqarnissaa eqqarsaatigalugu.
Innuttaasut qinnuigissavagut qullersuarnik ajoqusertoqarsimappat saaffiginneqqullugit, uunga; Kundeservice@nukissiorfiit.gl taamaasilluta piaartumik iluarsaanneqarnissaat sulissutigissagatsigu.
Aqqusernit qullilersorneqarneri pingaartinneqarpasinngikkaluartut, Nukissiorfimmut pingaaruteqarpoq qullersuit pitsaasumik ingerlanissaat. Taamaattumik Namminersorlutik Oqartussat aamma Kommuneqarfik Sermersooq siunissami qanoq qullilersuineq pitsaanerusumik ingerlanneqassanersoq pillugu qanimut oqaloqatigiissutigisarparput.
