Qinersinissami ulloq 24. marsi 2026 pisussami, qineqqusaarutinik allagartarsuarnik nivinngartuinissamut immikkut ittumik akuersisinnaavugut silami qullersuit napparutaannut nivinngartuinissamut ukua piumasaqaatigalugit.
Allagartarsuit qullersuit napparutaannut ikkunneqarsinnaapput ukua piumasaqaatigalugit:
- Allagartarsuit qullersuit napparutaannut allunaasamik, aaliangiut (strips) pilerneqassapput taakkununngaluunniit assingumik, ungerutissiaq (ståltråd) atoqqusaanngilaq.
- Allagartarsuit nivinngartorneqassanngillat aqqusinermi angallannermut ajoqutissanngor-lugit.
- Allagartarsuit piiarneqassapput qinersereernerup kingorna kingusinnerpaamik ullut pingasut iluanni, piiaanermi atortui tamarmik peersimaneqassapput nusuinnarnagit aammalu maanngaannaq iginnagit.
- Allagartarsuit qilerutikui tamarmik peerneqassapput, eqqaanut iliinnarnagit.
Tassunga atatillugu ilisimatitsissutigissavarput qullersuit napparutaanni innaallagissat ingerlaarfii navianarluinnarmata, inuunermillu akeqarsinnaallutik, taamaammat innaallagissat ingerlaarfii 1,5 meeterimik qaninnerusumik pallinneqassanngillat.
Allagartarsuit Nukissiorfiit illuutaaniittut.
Nukissiorfiit illuutaani, soorlu imertartarfinni, ilitsiveqarfinni, ventil-eqarfinni aammalu sakkortusaavinni allagartarsuarnik nivinngartuilluni ikkussuineq inerteqqutaavoq, ikkussuisoqarsimappat erngerlugit peerneqassapput ikkussisimasumut akiligassanngortillugit.
Allagartarsuit qineqqusaarutit peerneqarsimanngitsut qinersereernerup kingorna, ullut arfineq pingasut qaangiuneranni peerneqanngitsut, Nukissiorfimmiit peerneqassapput, saliinerillu partiinut saliisimanngitsunut akiligassanngorlugit nassiunneqassallutik.
