Ullumikkut sarfap aqqutaanik qulimiguulikkut Nukissiorfiit misissuivoq, paasivaalu Ameralik ikaarlugu kangerluup qulaatigoortumi ingerlatsisup katassimanera, tamannalu qamittoornermut patsisaavoq.
Sarfap aqqutaa immikkut sillimmatitut atuuttumik ingerlatsissummik ilassuteqartillugu sananeqaateqarpoq, tassalu ajornartorsiutinik pinngortoqassappat taamaaliortoqarpoq, taamaattumillu ajornartorsiut Nukissiorfiit iluarsisinnaasimavaa.
Teknikkimut pisortaq Filip Sivertsen pisoqarneq pillugu ima oqaaseqarpoq:
”Sarfap aqqutaanik ilassutitut ingerlatsissut Utoqqarmiut Kangerluarsunnguanit erngup nukinganik nukissiorfik aqqutigalugu pilersuinerup pilerseqqinnissaanut ingerlattakkamik pisariillisaavoq. Anoreqarnera aamma silap qanoq issusia apeqqutaallutik Nukissiorfiit nammineq sulianut tunngasunut sulisorisaminik, kiisalu Norgemit nakkutilliisunik ikiorserneqarluni sapaatip akunnerata ataatsip iluani suliaq isumagisinnaassavaa.”
Nuummut, Nuussuarmut aamma Qinngutsinnut innaallagissamik, imermik aamma kiassarnermik pilersuineq ileqqumisut ileqqippoq, maannakkorpiarlu Nuummi ajutoortoqarnermi innaallagissiorfimmit pilersuisoqarpoq.
Nukissiorfiit suli assupilussuaq suliaqarpoq, qamittoornerullu nalaani innuttaasut tamaasa assut paasininnerannut aamma ikiuinerannut qutsaviginnikkusuppoq.
