Nukissiorfiit aningaasaqarnermut pisortatut nutaatut Pætur Jørðdal Niclasen atorfinitsippaa

Ull. 1. maj 2025-mi Nukissiorfiit pisortaaneqarfianut aningaasaqarnerup, naatsorsuuserinerup aqutsinerullu iluini aserujaatsututut tunngaveqarlutik piginnaasat nukittuut ilannguttussaapput. Pætur Jørðdal Niclasen aningaasaliinerni naatsorsuuserinernilu cand.merc.-itut ilinniagaqartuuvoq, aammalu pisortat aamma namminersortut inuussutissarsiorfiini siamasissumik misilittagaqarluni. Kommuneqarfik Sermersuumi naatsorsuuserinermut pisortatut atorfimmeerpoq.

Taamaalilluni nunatsinni pissutsinik, aserujaatsumillu sulianut piginnaasalimmik Nukissiorfiit aningaasaqarnermut pisortaqalissaaq.

Nukissiuuteqarnermut pisortaq Johan Danielsenip Pæturimik atorfinitsitsineq nuannaarutigaa:

”Nukissiorfiit iluani aningaasaqarnermut pisortatut nutaatut Pæturip tikilluaqqusinnaanera nuannaarutigaarput. Aningaasaqarnerup aqutsinerullu iluani nukittuumik tunngaveqarnermigut aningaasanut tunngasutigut toqqammavigisatta nukittorsarnerani, aammalu periusissialikkatut ineriartortitsinitsinnik tapersersuinermi qitiusumik inissisimaffeqassaaq. Pæturip misilittagai aamma piginnaasai Kalaallit Nunaannut tamarmut iluaqutaasussamik Nukissiorfiit piujuartitsisumik sunniuteqarluartumillu ingerlatariuarnissaata qulakkeernissaanut ilalersuuteqassapput”.

Aningaasaqarnermut pisortanngortussaq aamma qilanaarpoq, oqarporlu:

”Nukissiorfiit aallartiffiginissaa, aamma suleqatigiligassat nutaat ilisarisimalernissaat assupilussuaq qilanaaraakka. Suliffiup iluani, aammalu suliffiup avataani ingerlatalinnik suleqatigiinnitsialak qilanaaraara, tamaani peqatigiilluta suliffeqarfik patajaatsoq isumannaarsinnaassallutigu.”

Taamaalilluni Nukissiorfiit pisortaaneqarfia ull. 1. maj 2025-mi inuttaasut tassaalerput nukissiornermut pisortaq, Johan Danielsen, teknikkimut pisortaq, Filip Sivertsen, aningaasaqarnermut pisortaq, Pætur Jørðdal Niclasen, aamma atorfilittanut pisortaq, Sandra Husted Rasmussen.