Ulloq 1. juli 2025 atuutilersussanik kiassarnermut akigititanik naligiissaarinikkut aaqqiisoqassaaq

Innaallagissamik kiassarnermut aammalu ungasianiit kiassarnermut akigititat ikummatissat akiisa qaffanneqarsimanerisa kingunerisaanik ulloq 1. juli 2025 atuutilersussamik 90 kr./MWh-mut qaffanneqarnissaat Naalakkersuisut akuersissutigisimavaat.

Tamanna tunngaveqarpoq kiassarnermut akigititat uuliap akia tunngavigalugu aaliangersarneqartarmat. Taamatut akitigut naleqqussaanermi atuisut Nukissiorfimmit kiassarnermik pilersorneqartut taamalillutik kingumut atuisunut namminneerlutik kiassaatilinnut/uuliatortumik kiassateqartunut naligiissumik inissisimaleqqissapput.

Akit 1. juli 2025-miit atuutilersussat imaapput

  • Ungasianit aaliangersimasumillu kiassarnermut 920 kr. pr MWh. -mut qaffanneqassaaq.
  • Innaallagissamik kiassarneq qaminneqarsinnaasoq 650 kr. pr. -mut qaffanneqassaaq.

Akigititanik nalimmassaaneq tamanna atuisut augustip qaammataanut tunngasumik akiligassiissutigineqartussami takusinnaassavaat, tassanilu julip qaammataani atuisimaneq pillugu naatsorsuineq takuneqarsinnaassaaq.

Taamatuttaaq Nukissiorfiit Atuisunut Sullissviani akiligassiisut nammineerluni misissorneqarsinnaavoq uani Kundeportal.