Upernaviup avaannani nunqarfimmi Nuussuarmi uuliakoortoqartoq

Sisamanngorneq ulloq julip 17.-iat suliffeqarfiup sanaartugassanik suliassinneqartartup Nuussuarmi suliaqarnerminut atatillugu ajutoornikkut Nukissiorfiit elværkiata tankillu uuliaasiviup akornanniittoq uuliamut aqqutissiaq sullulik ajoquserpaa. Tamatuma kingunerisimavaa nunaqarfiup eqqaanut uuliamik imaanut uuliakoortoqalernera. Uuliamik aniasoqarnera unitsinneqareersimavoq.

Suliffeqarfiup sanaartugassanik suliassinneqartartup uulia aniasimasoq katersuleruttorpaa taamaalilluni aniasoqarnerani ajoqusiineq minnerpaaffissaanitinniarneqarluni.

Upernavimmiit upalungaarsimatitat nunaqarfimmut tikissimapput tassanilu uulia aniasimasoq sapusersorlugulu puttasunik assiaqusersuillutik katersuleruttorpaat. Nukissiorfimmiit suliffeqarfik sanaartugassanik suliakkerneqarsimasoq sioqqanik uuliamik mingutsinneqarsimasunik piiaaneranni ikiorpaat taamaalilluni uulia imaanut kuunnginniassammat. Uulia qanoq annertutigisoq kuutsittoorneqarluni aniasimanersoq suli ilisimaneqanngilaq.

Pisimasoq Nuussuarmi pilersuinermut sunniuteqanngilaq naliginnaasumillu ingerlatsisoqarluni. Nukssiorfiit uuliaasivii tankit immeqqinneqarsimapput, sillimaniarnerlu eqqarsaatigalugu elværkip tankillu uuliaasiviit akornanni arlariinnik uuliamut aqqutissianik sullulinnik ikkussisoqarsimavoq, taamaalilluni uuliamut aqqutissiap sullullip ajoqusersimasup ingerlatsinerup ingerlatiinnarneqarnissaanut  sunniuteqassanngilaq.