Asasagut Nukissalimmi atuisut

Nukissalimmi biilinut immiisarfiit firmwareat (programmia) nutarterneqarnikuuvoq, tamannalu isumaqarpoq biilinut immiisarfiit isumannaannerulerput. Immiissutit tillinniartoqarsinnaaneranut isumannaallisagaanerulernikuupput. immiissummiit kabeli nusuinnarlungu immiinerup unitsissinnaanera ajornarnerulernikuuvoq, biilinulli immiineq RFID korti imaluunniit Nukissalik App atorlugu unitsinneqarsinnaavoq, unitsinneqareerpalli aatsaat kabeli nusunneqarsinnaanngorluni.

(biililli ilaannut suli ajornanngilaq kabeli nusuinnarsinnaanera)

Immiinerup unitsereernerata kingorna kabeli illit biilinniit peerneq ajulerpat, atuisutut nammineerlutit akisussaaffigivat peertinneqarnissaata isumaginissaa. Kisianni, kabeli immiissummiit peerneq ajulerpat Nukissalimmut saaffiginnissutigissavat, systemimiit ammaanneqarnissat pisariaqarmat.

Immeereerlutit kabelit immiissummiit peerneq ajulerpat qanoq iliorsinnaavit?

kundeservice@nukissiorfiit.gl imaluunniit nukissalik@nukissiorfiit.gl saaffiginniffigissavatit, saaffiginnissutippit iluani uku paasissutissat pisariaqartippagut: Sumi immiisimanerlutit, immiissutip ”friendly codea” aammalu mobil normu. taakkua saaffiginnissutippit imarinissai pingaaruteqarpoq, pissutigalungu systemitsinninngaanniit immiissut iserfigalugu kabeli ammaattussaammat. Immiissutip friendly codea immiissutip skærmiaraani nassaarineqarsinnaavoq.