Maniitsumi sapaatit akunnerata matuma siorna ilinniarfiusinnaasut pillugit nittarsaassisoqarpoq.
Nittarsaassinermut Maniitsumi Nukissiorfiit immikkoortortaa sinnerlugu peqataapput umiarsuarni montørinngorniarluni ilinniartoq Thårup Andersen suleqatigiillu aqutsisuat Søren Nielsen.
Maniitsumi Nukissiorfimmi pilersuinermik suliaqarfiusumi suut ilinniakkatut suliatullu ingerlanneqarsinnaanersut pillugit Thårup aamma Søren meeqqat atuarfianni atuartunut, efterskolemi atuartunut, Majoriameersunut Pilersitsivimmeersunullu oqaluttuarput.
Maniitsumi innaallagissiorfimmiut atortutik kingoraartissamaatit sakkutillu takussutissatut saqqummersippaattaaq, atuartunit qanimut takuneqarsinnaaniassammata. Ikinngillat suliatsinnik soqutiginnillutik orniguttut ataaserlu meeqqat atuarfianni naammassiguni Nukissiorfinni ilinniartutut aallartikkusuttoq – qilanaarilereerparput!
Paasisaqarnerorusuppit? Nukissiorfinni ilinniakkatut ingerlanneqarsinnaasut atorfigineqartullu pillugit quppernermi uani atuarsinnaavatit:
Atorfimmi ingerlalluarneq Nukissiorfiit - Nukissiorfiit
