Nutaarsiassaq 14. februari
Qaqortoq Narsarlu Erngup nukinganik innaallagissamik pilersorneqaqqilerput, taamalilluni naliginnaasumik innaallagissamik pilersuineq ingerlaqqilerpoq.
Erngup nukinganik nukissiorfimmit qamittoornernut kingullernut marlunnut patsisaasoq tassaavoq issangiarneq peqatigalugu anorersuarneratigut sarfap aqqutaani attuuttoornikkut qaminneq, tamaani ingerlatissutit marluk imminnut attuussimallutik.
Erngup nukinganik nukissiorfik attaveqaqqilersinniarlugu nakkutilliinermik aaqqiissutitsinnut attaveqaqatigiinnerup pilersinniarneranik Nukissiorfiit sulisui suli ulapputeqarput. Tamaani assaat atorlugit attaviliinissaq aamma kukkussutaasumik ujaasinissaq suliariniassallugit sila pissutaalluni maannakkut Qorlortorsuarmi erngup nukinganik nukissiorfiliarsinnaanngilagut.
Pilersuineq erngup nukinganik nukissiorfik atornagu innaallagissiorfimmit dieselimik ingerlatilimmit pisuunera atuisartut malugissanngilaat.
Erngup nukinganik nukissiorfimmit ingerlatsineq nalinginnaasoq uterfigeqqikkitsigu Nukissiorfiit nittartagarput aamma Facebookerput aqqutigalugit ilisimatitsissaaq.
