Maannakkut atugaasutut kaajallattariamik taarsiisussamik Eqalugalinnguit eqqaanni lyskrydsip nutaap sanaartornera maanna aallartippoq.
Aqqummi angallannerpaaffiup nalaani tulleriiaat, utaqqillunilu piffissaq annikillisarniarlugit Kommuneqarfik Sermersooq Tusass aamma Nukissiorfiit suleqatigalugit lyskrydsimik nutaamik sanaartorpoq. Suliaqarnermut atatillugu bussinik angallanneq sunniivigineqassaaq. Nuup Bussiisa nittartagaanni angallaffiit allanngortinneri pillugit innuttaasut imminnut ilisimatinnissaat kaammattuutigaarput.
Lyskrydsiliornermut atatillugu erngup, innaallagissap aamma telep aqqutai nuunneqassapput.
Suliap 2026-mi aggustip naanissaata tungaanut ingerlanneqassasoq naatsorsuutigineqarpoq.
Suliaqarnerup nassatarisaatut ajoqutaasinnaasut pinngortut Nukissiorfiit ajuusaarutigai, tamaanilu angallaffimmi angalaqatigisat, suliaqartuusut pisuinnaallu sianiginissaannut innuttaasunut kaammattuivoq.
Kommuneqarfik Sermersuup nittartagaani suliaq pillugu annermik atuarit, uani.
