Paakitsumi imermit nukissiorfik Ilulissanik sarfamik pilersuisoq siorna inaallagissamik aatsaat taamak annertutigisumik nioqqutissiorpoq.
Tassa imermit nukissiorfik 76.805 MWh.-nik imaluunniit 76,806 GWh-nik 2022-mi nioqqutissiorami.
Rekortiliinermut ilaatigut pissutaavoq siorna ukiuunerani issinnera aamma innaallagissamik qaminneqarsinnaasumik kiassaatinik arlalinnik ikkussuineq, tassaasunik uunnaavissuit innaallagiatortut.
Kisianni nassuiaataasoq aammattaaq tassaavoq pisisartut amerliartuinnarnerat, tassami illoqarfik alliartuinnarmat.
Imeq tatsineersoq Paakitsoq Imermit Nukissiorfimmit pilersuisoq tassaaneruvoq sermersuup aakkiartorneraneersoq. Taamaattumik tamaani, ajoraluartumik imeq naammattorsuaq pigineqarpoq, taamatuttaaq aamma ilimanaateqarpoq siunissami Ilulissat alliartornerat aammattaaq innaallagissamik kiassaanermik qaminneqarsinnaasumik suli annertusiartortitsineq matussuserneqarsinnaalluarluni.
Ukiuni siuliini Paakitsumi imermit nukissiorfik imatut pilersuivoq:
2021: 72,503 GWh.
2020: 73,150 Gwh.
2019: 69,790 GWh. (Ukiuunerani manngunneruvoq, ukiumi tassani)
2018: 72;24 GWh.
2017: 70,630 Gwh.
