Innaallagissamut aamma imermut ull. 1. juli 2024-mit akigititat 3,5 %-inik qaffanneqarnissaat, aammalu suli 3,5 %-inik ull. 1. januar 2025-mit qaffaqqinnissaat aasarmanna Naalakkersuisut aalajangiussaqarnerat pillugu Nukissiorfiit eqqaasitsivoq. Nukissiorfiit aningaasaqarnerani oqimaaqatigiissitsinerup pitsaanerusup pilersinnissaa Nukissiorfiit innaallagissamut aamma imermut akigititaanik iluarsiineq tunngaveqarpoq, taamaalilluni pilersuinermik attassiniarnerminut Nukissiorfiit aningaasartuutaanik innaallagissamik aamma imermik tunisaqarnermit Nukissiorfiit isertitai annertunerusumik naleqquttuunerulissammata.
Akit iluarsinerinut tunngavigisaq pillugu annermik atuarsinnaavutituani.
Ull. 1. januar 2025-mit akit
Ull. 1. januar 2025-mit kWh-ikkaanut innaallagiamut akigititaq 1,87 kr.-nut qaffassaaq, imermut m3-ikkaanut 22,71 kr.-nut qaffassalluni.
Akit iluarsinerat atuisartunut akiligassiissummi februaarip qaammataani tiguneqartussami takuneqarsinnaassaaq, taannalu tassaavoq januaarip qaammataani atugarisanut nalunaarsuiffik.
Aamma nammineq akiligassaatinik aamma atugarisanik misissuisoqarnissamut periarfissaqarpoq, tassalu Nukissiorfiit Atuisartunut nittartagaani.
