Innaallagissamik kiassarnermut aammalu ungasianiit kiassarnermut akigititat ikummatissat akiisa qaffanneqarsimanerisa kingunerisaanik ulloq 1. juli 2025 atuutilersussamik 90 kr./MWh-mut qaffanneqarnissaat Naalakkersuisut akuersissutigisimavaat.
Tamanna tunngaveqarpoq kiassarnermut akigititat uuliap akia tunngavigalugu aaliangersarneqartarmata. Taamatut akitigut naleqqussaanermi atuisut Nukissiorfimmit kiassarnermik pilersorneqartut taamalillutik kingumut atuisunut namminneerlutik kiassaatilinnut/uuliatortumik kiassaateqartunut naligiissumik inissisimaleqqissapput.
Akit 1. juli 2025-miit atuutilersussat imaapput
- Ungasianit aaliangersimasumillu kiassarnermut 920 kr. pr MWh. -mut (1.000 kWh) qaffanneqassaaq.
- Innaallagissamik kiassarneq qaminneqarsinnaasoq 650 kr. pr. -mut (1.000 kWh) qaffanneqassaaq.
Akigititanik nalimmassaaneq tamanna atuisut augustip qaammataanut tunngasumik akiligassiissutigineqartussami takusinnaassavaat, tassanilu julip qaammataani atuisimaneq pillugu naatsorsuineq takuneqarsinnaassaaq.
Taamatuttaaq Nukissiorfiit Atuisunut Sullissiviani akiligassiissut nammineerluni misissorneqarsinnaavoq uani Kundeportal.
