Unnummut kulturisiorfimmut pikkunavissumut qujanaq!

Ukiormanna unnuk kulturisiorfimmi arfininngormat pisumi Nukissiorfiit ingerlatsiviisa amerlasuut ammasut ilaannut takusaajartortorpassuit aqqusaarrapput. Nunami tamarmi Nukissiorfiit innaallagissiorfiinut imaluunniit erngup nukinganik nukissiorfiinut aqqusaartut innuttaasut qungujulallutillu soqutiginittut naapinneri pikkunavipput. Oqaluttuarivavut nukissamik qanoq tunisassiortarnersugut, Nukissiorfiit nioqquteqarfigisai pillugit eqquiniaasoqarpoq, aammalu pisiassaatitut pigisat mikisunut angisuunullu agguaanneqarput.

 

Unnuk Kulturisiorfimmi apeqqutinik akissutissarsiornermi ajugaasut:

Nukissiorfiit sullitaata nittartagaani apeqqutinik akissutissarsiornermi kikkut eqquisimanersut nuannaarutigalugu nalunaarutigisinnaavarput.

Unnuk kulturisiorfimmi aajuku eqquisugut peqataasorpassuit akornanni aappariit makinneqarput: Aappalaannguaq Mathiessen nulialu Nivikkannguaq Mathiessen ammalu qulinik ukiulik Niviaq Rosing.

Immikkut sanatitsisimavugut Ilulissani namminersortoq Aakattak Sandgreen atoqqiinerminik mingutsitsinngitsumillu sulialik, eqqumiittuliaa assini takuneqarsinnaavoq kusanangaartoq ulu Nukissiorfiit logo-lik.

Nivikkannguarlu gavekort eqqorpaa kr. 400,00 Brugsenimi pisissutissaq.

 Nuummi tunissutissanik koriffeqarpoq mamartunik assigiinngitsorpassuarnik.

Meeqqanut, inersimasunut qimminullu takusaajartortunut Nukissiorfiit assut qutsaviginnippoq .